LA:Sodalitas Latinitatis - regula (Nova Roma)
IN·MEMORIAM·A·TVLLIAE·SCHOLASTICAE·AVGVSTAE·PRINCIPIS·SENATVS·CENSORIS·IIII·CONSVLIS·II·PRAETRICIS
Home| Latíné | Deutsch | Español | Français | Italiano | Magyar | Português | Română | Русский | English
Contents |
Regula Sodálitátis Latínitátis
Condita est Sodálitás Latínitátis pridié Kalendás Quintilés Q. Fabió Maximó M. Minúció Audente cónsulibus á M. Apollónió Formósánó C. Marió Merulló C. Cordió Symmachó A. Arió Dracóne ex auctóritáte Senátús.
I. Próposita et Officia
A. Est Sodálitás Latínitátis linguae Latínae studió usuíque Novae Rómae fovendó quae linguae Latínae usum efficiat ut praecipua Novae Rómae lingua sit.
B. Cuius reí causá Sodálitás:
- i. Praebétó forum colloquiís tum Latínís cum dé linguá Latíná ipsá.
- ii. Adiuvátó sodálium animós adhortátorque sodálés ut Latínitátem suam excolant.
- iii. Estó auxilió dé linguá Latíná magistrátibus partibusque légitimís Novae Rómae.
- iv. Fingitó et cúrátó cónsilia quae próposita sodálitátis adiuvent.
- v. Praebétó locum in quó Nova Róma aliíque linguam Latínam adhibentés, Latínistae, discipulíque linguae Latínae inter sé conveniant.
C. Cónsilium (vidé VI infrá) cúrátó ut haec múnera perficiantur.
II. Cónsociátió Decuriaeque
A. Cónsociátió sodálitátis omnibus grátuíta estó.
B. Modus cónsociátiónis acquirendae praescriptís (vidé III) explicábitur.
C. Sodálés in númerum impárem decuriárum pró normá Latínitátis suae dividentur; númerus et nátúra decuriárum praescriptís explicábitur.
III. Suffrágia tótius sodálitátis
A. Magistrís prómulgantibus, haec regula émendétur suffrágiís tótius sodálitátis, praescripta regulae supplementa formentur, próposita sodálitátis métís servienda cónstituantur.
B. Estó sodálibus facultás próposití alicuius disserendí dummodó suffrágia nóndum láta sint.
C. Estó únicuique sodálí únum suffrágium tantum própositó únicuique; valétó aeque quidque suffrágium.
IV. Magistrí
A. Quotannís sodálitás duós sodálés quí cívés Noví Rómání sint magistrós (f. magistrás) creató.
B. Magistrí (magistrae) Ídibus Mártiís ad honórés ascenduntó, et ab eís pridié Ídús Mártiás anní posterí disceduntó.
C. Modus magistrórum creandórum praescriptís énarrátor.
D. Eís cúrá summa administrátió sodálitátis estó.
E. Exemplar novissimum huius regulae omniumque praescriptórum cónservantó.
F. Estó in potestáte eórum ut próposita suffrágiís ferendís tótius sodálitátis ferant, fora publica sodálitátis moderent, et pró sodálitáte cum partibus légitimís Novae Rómae aliísque extráneís cum hominibus tum grégibus agant.
G. Potestátés suás coniunctim exercentó.
H. Múnera inter sé arbitrió suó dividant.
V. Decuriónés
A. Quotannís únaquisque decuria únum sodálium suórum decuriónem quí cívis Novus Rómánus est ut eí serviat creató.
B. Decuriónés Ídibus Mártiís ad honórés ascenduntó, et ab eís pridié Ídús Mártiás anní posterí disceduntó.
C. Modus decuriónum creandórum praescriptís énarrátor.
D. Praestátó únusquisque decuriónum ut indicem sodálium decuriónis suae cónservet.
E. Praestátó únusquisque decuriónum ut bona decuriae suae in tótá sodálitáte própónat.
F. Praestátó únusquisque decuriónum ut sodálibus decuriónis suae auxilió sit eósque hortátor.
G. Sí ambó magistrí nón in promptú sint, aut nón possint, aut múneribus eiurent abscedantve, magistrórum múnera potestátésque decurióní decuriae prímae trádantur; sí ille in promptú nón sit, aut nón possit, aut múnere eiuret abscedatve, decurióní decuriae alterae, etc., trádantur, quí quam prímum ordinet suffrágia ut magistrós restituat.
VI. Cónsilium
A. Magistrí decuriónésque coniunctim cónsilium suntó.
B. Praestátó cónsilium cúram própositórum métís sodálitátis serviendórum probátórumque suffrágiís tótius sodálitátis.
C. Estó cónsilió potestás magistrátuum ad tempus cooptandórum ut múneribus subtíliter énúmerátís spátium cónstitútum dumtaxat sexaginta (LX) diérum fungantur.
Appendix: Conditórés
Haec appendix vítás conditórum inclúdit ut in prímá regulá inclúserunt.
Márcus Apollónius Formósánus, Pensylvaniánus, nunc in Polóniá cónstanter habitáns, LI annós nátú, Lector Linguárum Anglicí, Esperanticí Latíníque in Institútó Linguisticó Úniversitátis Studiórum Mickievicziánae, Posnániae, Paterfamiliás Gentis Apollóniae, Cívis Novae Rómae.
Caius Marius Merullus bostoniénsis nunc in Nová Terrá Belgárum Americána habitáns XXX annós nátú habeó Administrátórí laboró prívátae societátis cuius negótium est édúcátió et cónsilium praebendum ad dispénsátiónem firmárum Nótam perfectam accépí in latínó examine californiénse annó MCMLXXXVIII Cénsor Suffectus Senátor accénsus cónsuláris rogátor annó Cermánicí dictátúrae et Palladií Sullaeque cónsulátus Paterfamiliás Mariae gentis.
Gaius Cordius Symmachus, Arcansiénsis (in Únitís Státibus), et prógrammátor sum. Sex et vigintí annós nátus sum. Baccalaureus artium sum in triá studia. Studia illa sunt scientia computatrális, lingua Germánica, et studia Graeca Rómánaque. Úniversitáte Arcansiénsí studeó litterís comparatívís ut magister artium sim.
Nátus in Próvinciá Quebecénsí, Adriánus Arius Acadiánus Dracó prímó in seminárium Societátis Iesú intrávit et studia vítaque theologica passus est, postea in monasterium Christiánum Orthodoxum sub metochió ("possessió subligáta") Sanctí Paulí, Sanctí Montis (Agion Oros). Post paucós annós, et monasterium et fidem christicolárum magnó cum gaudió renuntiávit, et studia philologica philosophicaque in Úniversitátibus studiórum Montrealénsí, Vermonténsí, Harvardénsí et Alaskénsí cónsummávit. Nunc in Californiá habitat, in iúre familiálí laboráns.
