LA:Sodalitas Latinitatis - regula (Nova Roma)

Revision as of 20:51, 10 February 2007 (view source) Aulus Apollonius Cordus (Talk | contribs) (Feci)

Revision as of 17:25, 21 June 2007 (view source) Aulus Apollonius Cordus (Talk | contribs) m (LA:Sodalitas Latinitatis - Regula (Nova Roma) moved to LA:Sodalitas Latinitatis - regula (Nova Roma): Unnecessary capitals.) Newer edit →

---

Revision as of 17:25, 21 June 2007

 Home| Latíné | Deutsch | Español | Français | Italiano | Magyar | Português | Română | Русский | English

Contents 1 I. Proposita et Officia 2 II. Consociatio Decuriaeque 3 III. Suffragia totius sodalitatis 4 IV. Magistri 5 V. Decuriones 6 VI. Consilium 7 Appendix: Conditores

Regula Sodalitatis Latinitatis

Condita est Sodalitas Latinitatis pridie Kalendas Quintiles Q. Fabio Maximo M. Minucio Audente consulibus a M. Apollonio Formosano C. Mario Merullo C. Cordio Symmacho A. Ario Dracone ex auctoritate Senatus.

I. Proposita et Officia

A. Est Sodalitas Latinitatis linguae Latinae studio usuique Novae Romae fovendo quae linguae Latinae usum efficiat ut praecipua Novae Romae lingua sit.

B. Cuius rei causa Sodalitas:

i. Praebeto forum colloquiis tum Latinis cum de lingua Latina ipsa.

ii. Adiuvato sodalium animos adhortatorque sodales ut Latinitatem suam excolant.

iii. Esto auxilio de lingua Latina magistratibus partibusque legitimis Novae Romae.

iv. Fingito et curato consilia quae proposita sodalitatis adiuvent.

v. Praebeto locum in quo Nova Roma aliique linguam Latinam adhibentes, Latinistae, discipulique linguae Latinae inter se conveniant.

C. Consilium (vide VI infra) curato ut haec munera perficiantur.

II. Consociatio Decuriaeque

A. Consociatio sodalitatis omnibus gratuita esto.

B. Modus consociationis acquirendae praescriptis (vide III) explicabitur.

C. Sodales in numerum imparem decuriarum pro norma Latinitatis suae dividentur; numerus et natura decuriarum praescriptis explicabitur.

III. Suffragia totius sodalitatis

A. Magistris promulgantibus, haec regula emendetur suffragiis totius sodalitatis, praescripta regulae supplementa formentur, proposita sodalitatis metis servienda constituantur.

B. Esto sodalibus facultas propositi alicuius disserendi dummodo suffragia nondum lata sint.

C. Esto unicuique sodali unum suffragium tantum proposito unicuique; valeto aeque quidque suffragium.

IV. Magistri

A. Quotannis sodalitas duos sodales qui cives Novi Romani sint magistros (f. magistras) creato.

B. Magistri (magistrae) Idibus Martiis ad honores ascendunto, et ab eis pridie Idus Martias anni posteri discedunto.

C. Modus magistrorum creandorum praescriptis enarrator.

D. Eis cura summa administratio sodalitatis esto.

E. Exemplar novissimum huius regulae omniumque praescriptorum conservanto.

F. Esto in potestate eorum ut proposita suffragiis ferendis totius sodalitatis ferant, fora publica sodalitatis moderent, et pro sodalitate cum partibus legitimis Novae Romae aliisque extraneis cum hominibus tum gregibus agant.

G. Potestates suas coniunctim exercento.

H. Munera inter se arbitrio suo dividant.

V. Decuriones

A. Quotannis unaquisque decuria unum sodalium suorum decurionem qui civis Novus Romanus est ut ei serviat creato.

B. Decuriones Idibus Martiis ad honores ascendunto, et ab eis pridie Idus Martias anni posteri discedunto.

C. Modus decurionum creandorum praescriptis enarrator.

D. Praestato unusquisque decurionum ut indicem sodalium decurionis suae conservet.

E. Praestato unusquisque decurionum ut bona decuriae suae in tota sodalitate proponat.

F. Praestato unusquisque decurionum ut sodalibus decurionis suae auxilio sit eosque hortator.

G. Si ambo magistri non in promptu sint, aut non possint, aut muneribus eiurent abscedantve, magistrorum munera potestatesque decurioni decuriae primae tradantur; si ille in promptu non sit, aut non possit, aut munere eiuret abscedatve, decurioni decuriae alterae, etc., tradantur, qui quam primum ordinet suffragia ut magistros restituat.

VI. Consilium

A. Magistri decurionesque coniunctim consilium sunto.

B. Praestato consilium curam propositorum metis sodalitatis serviendorum probatorumque suffragiis totius sodalitatis.

C. Esto consilio potestas magistratuum ad tempus cooptandorum ut muneribus subtiliter enumeratis spatium constitutum dumtaxat sexaginta (LX) dierum fungantur.

Appendix: Conditores

Haec appendix vitas conditorum includit ut in prima regula incluserunt.

Marcus Apollonius Formosanus, Pensylvanianus, nunc in Polonia constanter habitans, LI annos natu, Lector Linguarum Anglici, Esperantici Latinique in Instituto Linguistico Universitatis Studiorum Mickieviczianae, Posnaniae,Paterfamilias Gentis Apolloniae, Civis Novae Romae.

Caius Marius Merullus bostoniensis nunc in Nova Terra Belgarum Americana habitans XXX annos natu habeo Administratori laboro privatae societatis cuius negotium est educatio et consilium praebendum ad dispensationem firmarum Notam perfectam accepi in latino examine californiense anno MCMLXXXVIII Censor Suffectus Senator accensus consularis rogator anno Cermanici dictaturae et Palladii Sullaque consulatus Paterfamilias Mariae gentis.

Gaius Cordius Symmachus, Arcansiensis (in Unitis Statibus), et programmator sum. Sex et viginti annos natus sum. Baccalaureus artium sum in tria studia. Studia illa sunt scientia computatralis, lingua Germanica, et studia Graeca Romanaque. Universitate Arcansiensi studeo litteris comparativis ut magister artium sim.

Natus in Provincia Quebecensi, Adrianus Arius Acadianus Draco primo in seminarium Societatis Iesu intravit et studia vitaque theologica passus est, postea in monasterium Christianum Orthodoxum sub metochio ("possessio subligata") Sancti Pauli, Sancti Montis (Agion Oros). Post paucos annos, et monasterium et fidem christicolarum magno cum gaudio renuntiavit, et studiaphilologica philosophicaque in Universitatibus studiorum Montrealensi, Vermontensi, Harvardensi et Alaskensi consummavit. Nunc in California habitat, in iure familiali laborans.