LA:Res publica Novae Romae

Rés Publica Novae Rómae

Nova Róma est dicáta stúdió ac restitutióní antíquae cultúrae Rómánae. Ab orígine usque ad 330 CE, cum sédés Imperí et auctoritátis esse désierit, Róma regula fuit fundamentaque posuit modernae nostrae Occidentális civilizátiónis. Roma tótum orbem terrárum ad húmánitátem excoluit, nósque necessarium dúcimus hoc dívínum múnus vívum serváre.

Condita 2750 annós post ipsam Urbem Aeternam, Nova Róma illa aurea tempora instauráre cupit. Sed ubí maiórés nostrí voluntátem suam ferró legiónibusque imposuerint, nós eundem petimus exitum scientiís prómovendís prólátóque virtútum exempló.

Plús cognósce in FAQ nostró.

Próvinciae

Nova Róma in diversás próvinciás dividitur. Una próvincia únam aut plúrés nátiónés modernás complectí potest, aut tantum partem aut partés únius nátiónis. Omnés próvinciae á senátú faciuntur: ex lége Védiá próvinciálí senátus novás próvinciás facere et praesentés iungere aut disiungere senátús cónsultá potest. Senátus quoque prómagistrátús facit quí próvinciís imperant.

Aerárium Sátúrní

Aerárium Sátúrní est omnium ad pecúniam publicam pertinentium thésaurus. Omnés renuntiátiónés, tabulae, ratiónés quaestórum adsunt ut omnés inspiciant.

Annálés

Lege annálés Novae Rómae ab orígine Fl. Vedio M. Cassio cos. ‡ MMDCCLI a.u.c. usque ad hodie.

Magistrátús senátórésque

[[Template:HICANNUS|Magistrátús]] quí quotannís creantur reí publicae imperant. Múnera honórésque eius tam similés magistrátuum antíquórum sunt quam possumus.

Senátórés á cénsóribus leguntur. Senátus noster quoque similis senátús reí publicae antíquae est.

Tabulárium

Tabulárium Novae Rómae, sícut tabulárium antíquum sed modernís modís électronicís, actórum publicórum, légium, édictórum, senátús cónsultórum, légis cónstitútívae est thésaurus.

Ager publicus

Ménse Apríle K. Buteone T. Labieno cos. ‡ MMDCCLVI a.u.c. senátus emptiónem sciscívit agrí iúgerum 16 in Texas, USA (próvinciá Americá austroccidentálí) ut ager publicus. Hic ager nátúram métásque solidás Novae Rómae mónstrat.

Alií ostia

LA:Top portals